Psalms 121
Suv Be Von Xusen Nar
1Naketeh usil vathu xil e nabit,“?Tutouen navan ti ixo xave imei?
2Tutouen navan ti imei ixo visal Iahova
xa tepol ni ut nesao e ut etan.
3Xi namaen ni ti neta naxui nou,
di miketeh xol nou e di tapat ti.
4Xi xa be mereketeh na mol-Isrel xil,
di tapor mating ti ve xil.
5Iahova iketeh kuhi xolok.
Xi ihe memal xolok e rim metu.
6E melengien, eai naxa pangasuk ti,
e vongien, aveti misakras vapurunuk.
7Suv isikoe xolok ra holesok xil xa misa, mei napurunuk ti.
Xi imuhin xatuk tengan neta ti namei naxuiak.
8E kakaoen nam xil, xi ihur xolok e rin xil vus,
taxeak e vehakut.
Copyright information for
TVK